Yon tanpèt nèj vyolan frape Eta New York, sa ki fòse gouvènè Kathy Hochul deklare yon eta ijans samdi 30 novanm 2024 la. Mezi sa a gen ladan onz konte, pami yo konte Érié, kote vil Buffalo sibi gwo presipitasyon ki fè sitiyasyon an vin pi grav.
Sitiyasyon kritik epi sèvis Metewolojik Nasyonal (NWS) nan Buffalo fè konnen nèj ap kontinye tonbe nan zòn lès lak Érié.
Estimasyon yo montre kèk kote kapab resevwa ant 30 ak 60 santimèt nèj anplis nan jou kap vini yo. Nan zòn Watertown ak konte Jefferson, nèj ka tonbe avèk yon entansite 7 a 10 santimèt chak èdtan, pandan lès Ohio ak lwès Eta New York deja akimile plis pase 76 santimèt nèj.
Tanpèt sa a mete anpil rezidan nan difikilte pandan aktivite yo sanse kraze nèt. Otorite yo lanse yon apèl pou pridans, ankouraje moun pou evite tout deplasman ki pa nesesè. Sèvis ijans yo ap kontinye fè travay pou pwoteje popilasyon an fas ak move tan sa a ki rete ekstrawòdinè.
Commenti