Yon komisyon ankèt Nasyonzini akize otorite Izrayèl yo de krim kont limanite.

Pou premye fwa depi lè lame Izrayèl la kòmanse lagè kont Hamas la, 7 oktòb pase a, Nasyonzini kalifye aksyon lame juif la de krim kont limanite.

Yon komisyon ankèt ONU konkli pou di: "krim, pèsekisyon, bastonad lame Izrayèl la ap fè sou palestinyen yo pa sèlman krim lagè men se tou krim kont limanite".

Anketè Nasyonzini yo mande pou otorite Izrayèl yo libere otaj palestinyen yo.

Otorite Izrayèl yo sou bò pa yo atravè Anbasad yo nan Jenèv akize komisyon ankèt ONU an de diskriminasyon sistematik kont pèp juif la.