Yon Elèv 9yèm Ane Fondamantal ki te Pran Bal : Sibi Yon Operasyon Reyisi Malgre konplikasyon yo.

Yon elèv 9yèm ane fondamantal, ki te pran yon bal nan kou pandan li t ap suiv kou nan yon lekòl nan Delmas 95, te sibi yon operasyon delika ki reyisi. Operasyon an te fèt nan Complexe Médical Elohim, ki chita nan Riyèl Vag #32, Pòtoprens. Dapre enfòmasyon yo, ekip medikal la, ak anpil konpetans epi detèminasyon, te rive retire bal la avèk siksè aprè plizyè èdtan nan sal operasyon an, jodi jedi 5 desanm 2024 la.

Ti gason 13 lane sa a te blese madi pase, pandan antèman polisye SWAT Jeff Petit-Dieu a, ki t ap chante nan Delmas 75. Pandan seremoni an, polisye ki te prezan yo te fè plizyè kout bal anlè pou montre fristrasyon yo, e se nan moman sa a bal la te frape elèv la. Jeff Petit-Dieu, ki te yon ajan SWAT byen respekte pou travay li nan Solino kont gang yo, te pèdi lavi l mèkredi 13 novanm nan, yon lanmò ki te kite yon gwo vid nan kominote a.

Reyisit operasyon sa pa sèlman montre devouman doktè Complexe Médical Elohim yo, men li voye yon mesaj lespwa, menm nan mitan vyolans ak ensekirite, gen moun ki toujou kanpe pou bay lavi yon chans.