Yon dezyèm gwoup polisye peyi Kenya rive nan Pòtoprens.

Nan maten madi 16 jiyè 2024, yon dezyèm gwoup polisye Kenyan rive an Ayiti pou ranfòse Misyon Miltinasyonal pou Sipò Sekirite a (MMSS).

Gwoup sa a, ki gen ladan l 200 polisye, ateri nan ayewopò entènasyonal Pòtoprens lan.

Anvan sa, yon premye gwoup ki gen ladan 400 polisye te deja rive nan fen mwa jen an soti Kenya, nan kad menm misyon sa a ki gen pou objektif ede Polis Nasyonal Ayiti (PNH) nan batay kont gang nèg ak zam yo. Pou kounya peyi Kenya gen sis san (600) polisye sou efektiv mil (1 000) yo prevwa voye nan misyon an.