Yon dezyèm 3 pwen enpòtan pou seleksyon nasyonal ayisyèn nan.

Ayiti kontinye genyen aprè viktwa yo te fè kont Saint Lucie 2-1. Grenadye yo genyen seleksyon Barbade la 3-1 nan kad kanpay eliminatwa mondyal 2026 la.

Ayiti te louvri eskò bonè nan match la aprè sèlman 12 minit avèk gòl de Louicis Don Deedson epi Duke Lacroix nan tan adisyonèl nan premye mitan te pèmèt seleksyon an antre nan poz la a 2-0. Nan dezyèm mitan Niall Reid-Stephen rive redui eskò a 2-1 nan 73èm minit epi bay Babad espwa pou yo retounen nan match. Men byen konte mal kalkile Bryan Labissière te fè yon twazyèm gòl pou ede Grenadye konsève avans 2 gòl la sou Babad.

Seleksyon an kontinye fè rezilta nan kanpay eliminatwa sa a malgre ekip la poko konvenk pou fè pèp ayisyen an kòmanse reve wè Ayiti retounen nan yon mondyal 52 lane aprè.