Yon avyon militè ameriken tonbe nan pò San Diego, 2 pilòt yo sove.

Yon avyon militè EA-18G Growler ki gen 2 plas sèlman tonbe nan pò San Diego mèkredi maten an bò 10zè, daprè sa Fox News rapòte.

Gad-Kòt ameriken te reponn prese prese epi sove 2 pilòt yo avèk èd yon bato lapèch, yon minit apre avyon an te tonbe nan lanmè a, daprè ABC News. Apre sa, yo te transpòte yo lopital kote eta yo estab pou kounye a.

Sèvis ponpye San Diego konfime ensidan an epi otorite yo ap kontinye mennen ankèt sou koz aksidan an. Plis detay ap vini sou dosye sa a.