UHM lanse yon alèt inondasyon sou 8 depatman nan peyi a.

Lwès, Nò, Nòdès, Nòdwes, Nip, Grandans se pami depatman ki sou alèt inondasyon rapid jiska vandredi 3 me 2024 selon Unité Hydrometeorologique D'Haïti (UHM).

UHM avèti peyi a sou posibilite pou inondasyon yo ògmante epi ki lakòz deboulonay tè nan plizyè rejyon. Yo mande vwalye pou evite pran lanmè a paske li ka ajite sa ki ka konplike navigasyon bato, batiman yo. Inite a mande tout moun pou yo rete vijilan epi pran mezi prekosyon kont inondasyon epi suiv konsèy otorite lokal yo.