Trump leve sanksyon kont Peyi Kolonbi apre yon akò sou migran yo.

Dimanch swa 26 janvye 2025 lan, Lamezon Blanch anonse li sispann sanksyon li te pran kont Kolonbi, apre yon akò jwenn sou repatriman migran ilegal yo. Nan yon kominike ofisyèl, administrasyon Trump lan fè konnen gouvènman Kolonbyen an aksepte tout kondisyon prezidan ameriken an te mete.

Kondisyon sa yo enkli akseptasyon san restriksyon tout sitwayen Kolonbyen ki nan sitiyasyon ilegal nan Etazini, k ap retounen nan peyi yo, menm nan avyon militè ameriken, san okenn limit ni reta.

Desizyon sa a make yon avanse enpòtan nan relasyon Etazini ak Kolonbi, pandan li soulve kesyon sou enplikasyon pratik repatriyasyon sa yo sou teren an.