TikTok fèmen Ozetazini, li pa Aksesib ni sou Apple ni sou Google.

Apre TikTok te notifye sèvis li yo pa p disponib Ozetazini ankò, Apple ak Google pran yon gwo desizyon ki se retire aplikasyon an nan magazen dijital yo, pou sila k ap viv sou sòl Tonton Sam nan. 2 platfòm sa yo fè etap sa a pou yo respekte yon lwa Kongrè a te vote, ki egzije yo mete entèdiksyon an an aplikasyon.

Depi kounye a, nenpòt moun ki sou teritwa ameriken an epi ki chèche TikTok sou Apple Store oswa Google Play p ap jwenn aplikasyon an. Lè yo ekri « TikTok », aplikasyon popilè sa a senpleman pa parèt. Desizyon sa a make yon lòt etap nan tansyon k ap ogmante ant TikTok ak otorite ameriken yo, pandan plizyè milyon itilizatè ap deplore desizyon sila, sitou moun ki te konn itilize aplikasyon sa pou fè lajan ak jere biznis yo.