Pwodiksyon Cinemartistic studios ki baze nan peyi Etazini soti yon ekstrè videyo 3 minit 52 segond nan fim "STRATAGEME" ki mete an sèn moun ki viktim de vyòl.
Nan yon chita pale ke ekip redaksyon konekte m nan te genyen ak reyalizatè fim nan, Roby Pierre avwe nou ke li menm ak staf li pa ka tann kilè pou yo prezante ak gran piblik la ofisyèlman projè sa ki mete an valè kilti Ayisyèn nan e ki pote limyè sou defi ke sosye a ap fè fas chak jou espesyalman koze vyòl la ki se esansyèl fim nan.
"Videyo nou soti a pa yon band anons men pito yon avangou", deklare Roby Pierre ki kontinye di nou; ekip pwodiksyon fim nan ap travay vrèman di e mete tout konpetans yo deyò pou prezante ak piblik la yon fim k ap nan estanda entènasyonal.
Pandan n ap rete konekte pou tout ti detay ki konsè fim nan, nou deja wè nan ekstrè videyo ki soti a anpil bèl efè stidyo ki temwanye konpetans ak gwo travay k ap fèt pou satisfè piblik lan nan yon pi wo nivo.
Comments