Somè OTAN: Peyi OTAN pran angajman pou kontinye sipòte Ikrèn.

"LaRisi kanpe sou batay. Nou paka pèmèt nou rete sou kote" se deklarasyon Prezidan Joe Biden nan diskou ouvèti somè OTAN an. Yon sòmè ki reyini 39 peyi manb yo nan kapital peyi Etazini Wachinton DC, soti 9 pou rive 11 jiyè. Okazyon pou Òganizasyon Trete Atlantik Nò a (OTAN) selebre 75 èm anivèsè alyans militè oksidatal la.

Somè istorik sa a gen pou objektif chita pale sou plizyè ensètitid politik k ap domine nan blok sa a. Pami yo, gè Risi-Ikrèn nan.

Plizyè desizyon deja pran pou ranfòse sipò OTAN ak Ikrèn nan kad batay kont Lame ris lan. Danemak ak Lawoland deja ede Lame Ikrenyèn nan ak plizyè F-16, Mezon Blanch bay garanti Bèljik ak Nòvèj pran founi materyèl pou ranfòse enfrastrikti militè Ikrèn.

46èm prezidan meriken an te pwofite pou montre li an sante pou l pran yon lòt manda nan tèt peyi Etazini. Anmentan, li bay pèp Ikrenyen garanti OTAN ap ede Ikrèn ranfòse sistèm defansiv yo.