Gwoup rival ki opere nan Boston, Brooklyn, ak Belekou nan komin Site Solèy siyen yon akò lapè yè mekredi 25 jiyè 2024 la. Enfòmasyon sa a konfime pa kèk notab nan pi gwo bidonvil kapital la.
Chèf G9 la ak Gpèp nan Site Solèy de gwoup rival sa yo ansyen chèf rival ki t ap veraye nan komin nan te rankontre pou pran desizyon istorik sa a.
Pou montre detèminasyon yo, G9 ak Gpèp, yo deside detwi, avèk èd bouldozè espas kote esnaypè yo te konn rete pandan afrontman yo. Aksyon sa a mete popilasyon sivil la nan yon gwo kontman, bay moun Site Solèy yon moman sekou ak espwa.
Nan yon nòt Meri Site Solèy la soti jodi jedi 28 jiyè, yo salye antant sa a de gang rival yo pran pou mete fen ak lagè ki t ap detui komin nan. Anmentan Meri a atravè selil kominikasyon yo a, ankouraje Leta ak ONG pou pote koutmen nan devlopman dirab pi gwo bidon vil peyi a.
Akò lapè sa a vin nan moman gouvènman an dekrete eta dijans nan 14 komin pami yo Site Solèy.
Comments