Sezon Siklòn 2024 : Yon Atelye sou Jesyon Enfòmasyon nan Gran Sid la.

Soti 20 pou rive 22 dawout 2024 la, yon ventèn kad ak volontè ki soti nan depatman Nippes, Sid, Sidès ak Grandans te patisipe nan yon atelye fòmasyon sou jesyon enfòmasyon. Direksyon Jeneral Pwoteksyon Sivil la te òganize atelye sa a ki te fèt nan Sant Operasyon Djanm nan Sid, Okay.

Atelye a te gen pou objektif prepare ekip depatmantal yo pou fè fas ak defi sezon siklòn 2024 la. Pandan fòmasyon an, patisipan yo te devlope konpetans enpòtan pou amelyore kowòdinasyon ak repons yo nan ka ijans nan zòn yo.

Efò sa a pou ranfòse kapasite yo montre angajman Pwoteksyon Sivil la pou premyèman pare epi tou diminye enpak katastwòf natirèl nan peyi a.