SEKIRITE, ELEKSYON, KONFERANS NASYONAL SE PAMI 5 GWO CHANTYE KONSÈY PREZIDANSYÈL TRANZISYON AN.

Jedi 25 avril la Konsèy Prezidansyèl Tranzisyon (KPT ) prete sèman nan Palè Nasyonal pou answit enstale nan Villa d'accueil la.

Nan diskou envesti Konsèy Regine Abraham youn nan manm obsèvatè KPT pwomèt yo pral travay sou 5 gwo chantye: mete sekirite nan tout kwen nan peyi a, òganize konferans nasyonal ak refòm konstisyonèl, òganize eleksyon jeneral nan peyi a, restore Etadedwa ak redresman enstisyonèl epi ekonomik.

Selon atik 10 nan dekrè 12 avril 2024 ki kreye KPT manda konseye yo dwe pran fen 7 fevriye 2026.