Rezilta egzamen ofisyèl 9èm yo disponib pou Nèf sou dis Depatman.

Ministè Edikasyon Nasyonal ak Fòmasyon Pwofesyonèl (MENFP) fè konnen rezilta egzamen 9èm Ane Fondamantal pou ane eskolè 2023-2024 la, disponib kounye a pou nèf (9) sou dis (10) Direksyon Depatmantal Edikasyon yo (DDE). Rezilta sa yo pibliye depi dimanch 8 septanm 2024 la.

Dapre enfòmasyon Biwo Nasyonal Egzamen Leta (BUNEXE) bay, men pousantaj reyisit pou chak Depatman:

• Nò: 90 %

• Lwès: 89 %

• Nòdès: 84 %

• Latibonit: 83 %

• Nòdwès: 81 %

• Sant: 78 %

• Nip: 75 %

• Sid: 75 %

• Grandans: 73 %

BUNEXE envite direktè lekòl yo vin pran palmarès lekòl yo nan Direksyon Depatmantal ki konsène yo.

MENFP presize rezilta yo pral konplete nan jou k ap vini yo ak sa yo ki soti nan Direksyon Depatmantal Edikasyon Sidès la, ki se sèl depatman ki poko gen rezilta.