Ministè Edikasyon Nasyonal ak Fòmasyon Pwofesyonèl (MENFP) te anonse, madi 24 septanm 2024 la, rezilta egzamen fen etid segondè (Bak) pou depatman Nò ak Nòdès.
Dapre done Biwo Nasyonal Egzamen Leta (BUNEXE) te bay, nan depatman Nò, sou yon total 11 694 kandida, 5 463 ki reyisi, sa ki reprezante yon pousantaj reyisit 46,72%.
Pou dezyèm sesyon egzamen pou elèv ki te echwe nan ane akademik 2023-2024 la (bak pèmanan), sou 403 patisipan, 286 reyisi, ak yon pousantaj reyisit 70,97%.
Nan depatman Nòdès, sou yon total 4 407 kandida ki patisipe nan egzamen fen etid segondè yo, 1 516 reyisi, sa ki bay yon pousantaj reyisit 34,40%. Pou dezyèm sesyon egzamen pèmanan an, 1 104 kandida te patisipe e 371 reyisi, sa ki reprezante yon pousantaj reyisit 33,61%.
MENFP envite direktè lekòl ki konsène yo pou vin pran palmarès lekòl yo nan Direksyon Depatmantal Edikasyon yo. Rezilta pou lòt depatman yo ap pibliye pwogresivman nan jou kap vini yo.
Comments