Repiblik Demokratik Kongo sou wout pou tanmen kèk aksyon jidisyè kont Apple.

Repiblik Demokratik Kongo akize gwoup Apple ki achte pwodui minrè nan kontrebann e swete mennen aksyon jistis kont jeyan ameriken an nan peyi Lafrans ak Etazini.

Gwoup avoka ki akredite pou reprezante Kongo nan kad dosye sa deja voye bay Apple yon "mise en demeure". Gwoup avoka RDC a se yon melanj ant avoka fransè ak Kongolè deklare :"Atitid gwoup Apple la nan kad dosye a se yon fòm mepri, sinik ak gwo kòlèt."

Repiblik Demokratik Kongo rich ak anpil eleman ki sèvi nan pwodiksyon telefòn entèlijan ak lòt aparèy elekronik ankò, tankou: minrè, Tantal, lò ak Eten. Men akoz lagè anpil nan minrè yo ap vann nan kontrebann sa ki yon mank a ganye pou Leta Kongolè a.