Rekonstriksyon ak Renouvèlman Mache Piblik Chambellan an Kòmanse.

Mairie Chambellan, ansanm ak Òganizasyon Entènasyonal Travay (OIT) ak Pwogram Alimentè Mondyal (PAM), lanse ofisyèlman pwojè reyabilitasyon ak konstriksyon mache piblik Chambellan. Pwojè sa a, ki pwograme pou fini nan kòmansman lane 2025 lan, vize pou modènize mache ki te domaje anba siklòn Matthew nan lane 2016 ak tranblemanntè nan lane 2021.

Nouvo konplèks la ap gen ladan twa (3)gwo bildin, espas pou vann pwodui, yon depo, yon zòn restorasyon, ak enfrastrikti sanitè epi ekolojik, mete sou sa yon sistèm enèji solèy. PAM ap sipèvize pwojè a ak kontraktè « ROC Construction » ki te chwazi. Yon fwa travay yo fini, mache a ap remèt bay Mairie Chambellan.

Pwojè sa a enpòtan pou amelyore kondisyon lavi pwodiktè yo epi ranfòse chèn apwovizyònman alimantè nan depatman Grandans ak zòn vwazen l yo.