Rankont ant Garry Conille ak Prezidan Brezil Lula da Silva.

Premye Minis Garry Conille te rankontre ak Prezidan Brezil, Luiz Inácio Lula da Silva, pandan 79e Asanble Jeneral Nasyonzini an. Nan diskisyon yo, yo te pale sou kolaborasyon ant Ayiti ak Brezil.

Prezidan Lula da Silva pwomèt pou l kontinye sipòte Ayiti nan devlopman dirab epi ede peyi a jwenn plis sipò nan kominote entènasyonal la. Lula mete aksan sou nesesite pou kreye yon plan entèvansyon entènasyonal pou ede Ayiti rekipere epi louvri plis opòtinite pou peyi a.

Premye Minis Conille remèsye Brezil pou èd li nan fòmasyon polisye ayisyen ak ekipman pou fòs sekirite yo.