Primati Kondane Desizyon Estasyon Gaz ki pa Vle Asepte Fich Gaz Leta.

Primati  eksprime endiyasyon li fas ak refi plizyè estasyon gaz ki derefize asepte fich gaz prepeye Leta bay yo. Nan yon kominike pou près, yo fè konnen pratik sa a reprezante yon vyolasyon regleman etabli pou fasilite distribisyon gaz nan  enstitisyon piblik yo. Daprè otorite yo, aksyon sa yo pa sèlman ilegal, men yo mete an danje efikasite sèvis piblik yo ki depann sou fich sa yo pou fonksyone.

Nan menm kominike a, Primati a mande Ministè Jistis pou pran mezi estrik kont moun ki responsab estasyon ki enplike nan pratik sa a. Yo ensiste pou di gwo aksyon desizif dwe fèt pou mete fen nan obstak ki bloke aplikasyon direktiv gouvènmantal sou distribisyon gaz. Refi sa yo, daprè otorite yo, lakoz gwo difikilte nan fonksyònman enstitisyon leta yo.

Primati a fè yon apèl tou bay Ministè Komès pou ranfòse siveyans ak aplike sanksyon nesesè kont estasyon ki kontinye ak pratik sa yo. Li raple nenpòt pratik ilegal nan domèn sa a pa dwe tolere epi aksyon rapid dwe pran pou garanti yon aksè ekitab ak elimine abi nan sektè gaz la.