Prezidan Konsèy Prezidansyèl Transisyon an patisipe nan seremoni monte drapo nan palè nasyonal.

Prezidan Konsèy Prezidansyèl Transisyon an, Ekselans Leslie Voltaire, te patisipe nan seremoni monte drapo a nan Palè Nasyonal la jodi lendi 14 oktòb 2024 la, ansanm ak plizyè lòt manm konsèy la. Evènman sa a, ki gen yon gwo valè senbolik pou nasyon an, rantre nan kad aktivite ofisyèl ki vize ranfòse valè patriyotik ak inite nasyonal.

Aksyon monte drapo sila a, yon zak solanèl epi patriyotik, montre angajman KPT a pou akonpanye peyi a nan yon chimen estabilite dirab ak renouvèlman enstitisyonèl.