Nan Villa d'Accueil, Vendredi 23 dawout 2024 la, Seremoni an te tanmen nan prezans Minis Jistis ak Sekirite Piblik la, Me Carlos Hercule, ansanm ak lòt pèsonalite nasyonal.
Sis (6) manm yo se : Enex Jean-Charles (Prezidan), Joram Vixamar, Amary Joseph Noël, Mme Norah Jean François, Mme Widline Pierre, ak Gédéon Charles.
Prezidan Leblanc Fils te eksplike Konferans Nasyonal la ap gen pou misyon adopte rezolisyon enpòtan pou estabilize peyi a. Rezolisyon sa yo ap konsantre sou revizyon Konstitisyon an, defini yon nouvo pwojè sosyete pou mete Ayiti kanpe ankò, ak refòm relasyon ant Leta ak sosyete a, enkli refòm sistèm jiridik ak politik la.
Enex Jean-Charles, Prezidan Komite a, te fè konnen yo pral travay sèlman nan enterè nasyon an, avèk objektif pou kolo tisi sosyal la san yo pa kite enfliyans enterè sektoryèl yo.
Comments