Prezidan Kenya Wiliam Ruto revoke preske tout manb gouvènman l lan eksepte vis prezidan an ak Minis Zafè etranjè a.

Wiliam Ruto revoke preske tout manb gouvènman l eksepte vis prezidan Rigathi Gachagua ak Minis zafè etranjè Musalia Mudavadi. Revokasyon sa yo vini de (2) semèn gwo manifestasyon ki te sakaje gouvènman e ki lakoz yo retounen sou desizyon ki konsène pwojè lwa finans peyi a.

"Mwen tande sa pèp kenyan an di, mwen evalye pèfòmans gouvènman m nan, reyalizasyon yo ak defi yo. Jodi a, m deside revoke gouvènman an" se deklarasyon Prezidan Ruto nan yon konferans pou laprès. Prezidan an bay garanti pwochen gouvènman lan pral pran mezi k ap pèmèt li adrese dèt peyi a genyen pandan yo ap ògmante travay nan peyi a.