Prezidan Joe Biden konfonn non Volodymyr zelensky ak Non Poutine nan moman li t ap prezante prezidan Ikrenyèn an nan Somè OTAN an.

Aprè Joe Biden te vin pwonose yon diskou ak anpil enèji pou louvri Somè OTAN an madi 9 jiyè, yon diskou plizyè anilis politik kwè se te yon repons pou montre Joe Biden djanm pou l reprezante demokrat yo nan eleksyon an novanm 2024 la. Jodi, jedi 11 jiyè, Pezidan fè yon erè grav nan moman li t ap pase kòn nan ak prezidan Ikrenyèn an Volodymyr zelensky.

"Kounya , n ap entwodui chèf Leta Ikrenyèn an ki se yon prezidan ki gen anpil kouraj ... Poutine". Yon erè ki ranfòse lide moun ki kwè eta sante 46èm prezidan Etazini an pap pèmèt li pran yon lòt manda 4 lane nan tèt peyi a. Deja semèn pase a New York Times te revele gen yon espesyalis maladi "Parkinson" ki te vizite Mezon Blanch lan soti ete 2023 pou rive ane sa a, 8 fwa deja. Yon enfòmasyon pòtpawòl prezidan an te voye jete byen lwen. Erè sila, louvri pòt pou detraktè kontinye kwè sante Biden pap pèmèt li al nan eleksyon prezidansyèl novanm 2024 la.