Premye Minis Garry Conille ankouraje patisipasyon jèn yo nan transfòmasyon dijital la.

Lendi 12 dawout 2024 la, nan okazyon Jounen Entènasyonal Jèn yo, Premye Minis Garry Conille te patisipe nan yon seremoni ki te dewoule sou tèm: « Jèn, sektè dijital ak sekirite ». Pandan aktivite sa a, li te ankouraje jèn yo pou yo enplike san kanpe nan pwosesis transfòmasyon dijital la. Li te mete aksan sou wòl enpòtan yo nan diskisyon sou sekirite dijital ak responsablite kòm sitwayen, pandan l ap souliye nesesite angajman sivik jèn yo nan epòk dijital sa a.