Premye Minis Alix Didier Fils-Aimé fè deklarasyon patrimwàn li: Yon apèl pou transparans.

Premye Minis Alix Didier Fils-Aimé franchi yon etap enpòtan nan direksyon transparans ak bon gouvènans, li depoze deklarasyon patrimwàn li, jodi madi 10 desanm nan, nan Tribinal Premye Enstans (TPI). Aksyon sa a fèt an prezans Me Mozart Tassy, Grefye an chèf TPI, ak Notè Jean Jacques B. Charlotin. Nan jès senbolik sa a, chèf gouvènman an afime ankò detèminasyon li pou fè transparans tounen yon poto mitan pandan manda l la.

Li mande tout fonksyonè piblik, espesyalman manm nan Kabinè li a, pou suiv egzanp li epi respekte obligasyon legal ak moral sa a, ki nesesè pou ranfòse konfyans ant sitwayen yo ak leta. « Peyi a bezwen transparans pou li avanse » Premye Minis Fils-Aimé deklare. Li mete aksan sou enpòtans jès sa a kòm yon envitasyon pou tout aktè piblik yo pou yo angaje nan responsablite ak redisyon kont.

Ak angajman sa a, Premye Minis la montre detèminasyon gouvènman li pou goumen kont zak mesken nan administrasyon piblik la, epi mete aksan sou baz yon sosyete ki konstui sou jistis ak entegrite. Jès sa a se yon apèl pou tout Ayisyen travay ansanm pou fè transparans tounen yon motè chanjman pou yon Ayiti ki pi fò ak pwospè.