Grèv ki te paralize Direksyon Jeneral Taks yo (DGI), depi 23 septanm 2024 la, fini apre yon reyinyon ki te fèt nan lokal Ministè Ekonomi ak Finans (MEF) nan Pòtoprens, vandredi 22 novanm nan. Jean Medèze Lazarre, pòtpawòl anplwaye grèvis yo, raple plizyè revandikasyon yo t a dwe konsidere. Pami angajman sa yo, nou jwenn:
1) Distribisyon yon kat debi pou anplwaye yo depi kòmansman semès sa a.
2)Pèman yon prime risk pou mwa desanm nan.
3)Nonmen yon nouvo Direktè Jeneral ki pral ranplase Jean Emmanuel Casséus nan jou k ap vini yo.
Apre akò sa a, ministè a lanse yon apèl bay kontribyab yo pou yo reprann demach administratif yo, epi respekte obligasyon fiskal yo nan biwo DGI yo atravè peyi a.
Grèv la te gen gwo konsekans sou koleksyon resèt pou premye trimès egzèsis fiskal 2024-2025 la, ki soti 1ye oktòb 2024 pou rive 31 janvye 2025. Peryòd sa a gen yon enpòtans esansyèl pou ekonomi peyi a. Avèk repriz operasyon yo, otorite yo espere rekipere reta yo epi ranfòse resèt piblik yo.
Comments