Polisye Désir Jean-Baptiste jwenn arestasyon akoz swadizan lyen l ak yon chèf gang.

Ajan Jean-Baptiste Désir, ki travay nan sèvis sikilasyon nan depatman Lwès 2, ki te rete solino epi k te sispèk kòmkwa l nan konivans ak gang viv ansanm, epi yo te akize k te kontribye nan kraze batay polisye yo t ap fè nan solino ak gang yo, jwenn arestasyon. Enfòmasyon yo rapòte se komisè gouvènman miragwàn nan ki fouke l anba minot.

Pou kounye a, Jean-Baptiste Désir mete an gadavi, pandan otorite yo ap tann DCPJ pran yon desizyon final sou ka sa. Entèvansyon sa a antre nan kad operasyon Komisè Jean Ernest Muscadin ap dirije pou konbat gang nan zòn Grand Sid la.

Ka sa a vin soulve plis kesyon sou posibilite infiltrasyon gang nan mitan fòs lapolis la, yon fenomèn ki kontinye enkyete anpil moun epi ki mande pou lajistis tanmen pran bon aksyon sevè.