PNH la anonse yo repran kontwòl epi ranfòse sekirite Komisarya Gresye a.

Lapolis Nasyonal Dayiti rive pran kontwòl Komisarya Gresye a aprè gang ame te fè tantativ pou mete dife nan Komisarya epi mete latroublay nan komin nan.

Nou ka konstate nan yon videyo sou rezo sosyal anpil bandi ap fè moun kouri kite komin Gresye pandan plizyè inite nan PNH te tanmen yon entèvansyon pou matrake gang sa yo epi pran kontwòl Komisarya a. Epi yon lòt videyo selil kominikasyon PNH pibliye sou paj ofisyèl PNH, sapè ponpye ap netwaye Komisarya a bandi te manke pase anba flam dife a.

PNH la pou bay yon bilan chifre sou operasyon an. Men videyo a k rasire non sèlman yo gen kontwòl komisarya men tou volonte yo pou ranfòse sekirite nan komin lan nan lide pou kontinye matrake gang ki vle anvayi Gresye.