Health Effects Institute (HEI) pibliye yon rapò jodi mèkredi 19 jen an sou enpak mòtèl polisyon atmosferik la gen sou sante moun nan mond lan. Rapò sila soti nan kad 5èm edisyon State of Global Air (SoGA) ki revele polisyon atmosferik se dezyèm koz ki menmen plis moun nan peyi san chapo sou planèt la.
Health Effects Institute (HEI) ki se yon enstiti rechèch endepan ameriken ansanm ak UNICEF revele 8.1 milyon moun mouri nan tout moun lan akoz polisyon lè a nan lane 2021. Epi san konte maladi li deklannche kay plizyè milyon moun .
UNICEF ki se ògan Nasyonzini ki panche sou timoun gade enpak kriyèl polisyon lè a gen sou lavi timoun yo. Rapò a fè konnen plis pase 700 000 timoun anba 5 lane pèdi lavi yo akoz polisyon epi plizyè milye lòt timoun nan menm tranch laj sa a devlope gwo maladi pilmonè yo. Polisyon atmosferik tounen dezyèm faktè aprè malnitirisyon ki lakoz plis timoun anba 5 lane mouri nan mond lan.
Rapò sa se youn anplis ki alète lemond antye sou danje chanjman klimatik la gen sou lavi moun nan mond lan. Travay sila pran ankont plis pase 200 peyi ak teritwa sou planèt tè a.
Kommentare