Daprè yon etid ki te pibliye 12 me 2024 pa Òganizasyon Entènasyonal pou Migrasyon (OIM), plis pase 216,000 Ayisyen te fòse retounen an Ayiti nan diferan peyi an 2023.
Daprè done yo, Repiblik Dominikèn se peyi ki te retounen plis Ayisyen an 2023, ak yon total de 208,169 konpatriyòt, 96% nan kantite total la.
Îles Turks ak Caïques te retounen 3,338 Ayisyen (2%), pandan ke Bahamas te retounen 2,021 Ayisyen (1%). Etazini te retounen 1,862 Ayisyen (1%), Kiba te retounen 751 (1%).
Latiki te retounen 463 Ayisyen, epi Jamayik te retounen 73 Ayisyen.
Done sa yo soulve nesesite pou devlope estrateji efikas pou sipòte Ayisyen yo, ni andedan ni deyò peyi a. Sa enkli amelyorasyon kondisyon ekonomik ak sekirite an Ayiti.
Comments