Kominote pwotestan ak Misyon Batis Konsèvatris Ayiti an dèy ak lanmò Pastè Wallace Turnbull, ki mouri a laj 98 lane,lendi 20 me 2024 lakay li Fermathe.
Wallace Turnbull, misyonè Ameriken ki fèt an 1925, t ap prepare pou selebre anivèsè li 8 jiyè k ap vini. Li te Marye ak Eleanor, yon enfimyè ki mouri an 2020.
Misyon Batis konsèvatris, ki aktif nan sis depatman, edike plis pase 200,000 elèv e reyalize anpil pwojè nan divès domèn. Li etabli tou 400 legliz atravè peyi a.
Li te rive Ayiti an 1946, pandan prezidans Dumarsais Estimé, Pastè Turnbull te konsakre lavi l pou sèvi ayisyen yo, li kite mak li sou devlopman anpil kominote vilnerab.
Fondatè Misyon Batis Konsèvatris Ayiti a, te dekore an mas 2014 pa ansyen Prezidan Michel Martelly, ki te remèt li òd onè ak merit nan grad "Kòmandè".
Moun ki rete nan plizyè kominote tankou: Fort-Jacques, Soisson, Fermathe, Godé ak Thomassin temwanye lanmou pwofon Pastè Wallace pou Ayiti, e yo soulve gwo pèt ke lanmò li reprezante pou kominote relijye a ak peyi a.
Kommentare