Palè istorik 365 pòt la nan Ti Rivyè Latibonit, Palè sa a, ki te bati an 1820 pa Louis Dupeyrac pou sèvi kòm rezidans monak Henri 1ye, Wa Ayiti, ki se yon gwo senbòl istorik nan rejyon an anba menas gang "Gran Grif" nan Savyen.
Manm gang sa a vle demoli chato sa a ki se yon moniman kiltirèl enpòtan, paske yo pè pou li pa sèvi kòm baz pou twoup Misyon Entènasyonal Sipò Sekirite pou atake yo.
Menas sa yo rive nan yon moman kote lòt enstitisyon piblik tankou komisarya ak Kòmpleks Administratif la deja sibi domaj.
Bertide Horace, pòtpawòl Komisyon Dyalòg, Rekonsilyasyon ak Konsyantizasyon pou sove Latibonit, ap negosye ak òganizasyon sosyete sivil ak otorite lokal pou pwoteje palè a.
Li soulinye enpòtans moniman sa a kòm yon sous potansyèl pou devlopman tourisktik.
Horace lanse yon apèl bay manm gang yo pou yo pa demoli palè a, ki ka atire kòlè popilasyon an ak domaje avni ekonomik rejyon an.
Comments