Palmarès Mizik/Videyo Evanjelik pou mwa oktòb 2024 la prezante yon koleksyon kreyasyon ki tradui valè ak varyete nan mond mizik evanjelik la. Avèk atis ki pote nouvo pèspektiv ak pasyon nan chak mizik, seleksyon sa a ofri yon opòtinite pou admire 15 talan pandan l ap ranfòse lavi espirityèl ou.
Chak mwa, ekip redaksyon an pran plezi pote yon seleksyon ki melanje ritm dinamik ak mesaj pwofond, avèk objektif pou fè enpak sou nanm ak lespri ou.
Nou envite w dekouvri edisyon Palmarès Oktòb 2024 la epi kontinye soutni travay atis yo, pou yo ka kontinye kreye mizik ki make lavi ou.
Seleksyon espesyal yo:
1. NORD JOHNSON - "San Pran Souf".
Nord Johnson prezante videyo mizik li “San Pran Souf,” ki soti 2 oktòb 2024 anba etikèt Heat Studios. Tèks la ekri pa Farah Inozil Nord, ak melodi ki reflete style inik Nord Johnson.
Chante sa a raple chak moun misyon espesyal yo pou rann Bondye glwa ak rekonesans, menm pi plis pase zanj yo. Li envite nou konsidere ke chak souf ak aksyon nou ka sèvi pou felisite ak onore BonDye pou bèl travay li nan lavi nou.
“San Pran Souf” se yon priyè nan fòm mizik, ki ankouraje yon lavi plen adorasyon ak rekonesans, rekonèt ke tout sa nou ye ak genyen soti nan men BonDye.
2. DELLY BENSON - "Béni Soit Ton Nom".
Delly Benson prezante “Béni Soit Ton Nom,” yon nouvo videyo mizik ki soti 3 oktòb 2024 nan okazyon anivèsè li. Mizik sa a, ki soti anba etikèt Holysongs Ministries ak yon videyo ki fèt pa Alexis Ecclesiaste (Filmpopp-), se yon im louwanj ak adorasyon ki eksprime rekonesans pou fidelite ak bonte Bondye.
Avèk pasyon ak senplisite, Delly Benson pote yon mizik ki touche nanm epi fasil pou entegre nan lavi espirityèl kwayan yo, raple ke Bondye merite tout glwa ak louwanj, nenpòt lè, nenpòt kote.
3. ISHAMA GOSPEL -“L’ap Veye M”
Ishama Gospel lanse nouvo videyo mizik yo “Lap Veye m” nan dat 5 oktòb 2024, tèks ak aranjman fèt pa Stanley Aris. Chante sa a se yon adaptasyon ki bay yon nouvo vizyon sou yon melodi ki deja popilè.
Mizik la sòti apre kèk mwa difikilte pou koral la, ki te limite aktivite li yo akoz enstabilite nan peyi a. Men, anba direksyon maestro Grégory Faustin, Ishama Gospel montre kapasite li pou rekipere ak ofri yon eksperyans mizikal inik ak orijinal.
Atravè mizik sa a, Ishama Gospel envite tout moun sonje pwomès Bondye ki toujou ap veye sou yo.
4. PHELAH ROVENA ANGEh - "Pale Pou Mwen".
Phélah Rovena Ange revele nouvo videyo mizik li, “Pale Pou Mwen,” nan dat 6 oktòb 2024. Mizik sa a enspire nou pou ouvri kè nou ak fè Bondye tande bezwen nou.
Nan tèks la, Rovena eksprime dezi li pou Bondye pran kontwòl sou tout aspè nan egzistans li, menm jan li dirije syèl ak tè a.
“Pale Pou Mwen” se yon vwa ki ensiste sou enpòtans kominikasyon ak Bondye ak chèche èd ak limyè li nan moman difisil.
5. RODBERRY & LIZZY JACQUES Feat. VALEUS SISTERS - "Li Chanje M".
Rodberry ak Lizzy Jacques, an kolaborasyon ak Valéus Sisters, lage “Li Chanje m”, 9 oktòb 2024, yon mizik ki pote yon mesaj transfòmasyon ak renouvèlman espirityèl.
Chante sa a montre jan yon eksperyans ak Bondye ka chanje lavi yon moun, ban nou yon nouvo direksyon ak nouvo espwa. Li montre ke lè nou fè eksperyans lanmou ak prezans Bondye, kè nou vin tounen yon espas renouvle, libere de chay pase yo.
“Li Chanje m” ankouraje nou aksepte renovasyon enteryè epi mete konfyans nan chanjman Bondye pote. Li envite nou kwè ke ak Bondye, tout bagay ka vin nouvo.
6. MERCY CHINWO - “We Move”.
Nan dat 10 oktòb 2024, Mercy Chinwo lanse videyo ofisyèl pou mizik “We Move,” dirije pa PINK e pwodwi pa Blessed Uzochikwa. Chante sa a pote yon mesaj espirityèl ki ranfòse konfyans ak ankouraje nou avanse ak fòs, menm devan defi lavi yo.
Mercy Chinwo raple ke Bondye toujou devan nou, ap prepare chemen nou. Avèk fraz “Forward ever, backward never,” li motive tout moun pou yo kontinye san rete.
Mizik la pale de yon “sezon ogmantasyon,” yon peryòd kote Bondye ap beni ak favorize nou. Li montre ke ak lafwa ak gras, kwasans ak chanjman ap rive.
“We Move” se yon mizik enspire ak pozitivite ki rele nou pou avanse malgre tout obstak. Li fè nou sonje ke ak Bondye bò kote nou, pa gen anyen ki enposib.
7. FRANCOIS JUDE Feat Frè ALEXIS - “Ou Sen”.
Francois Jude ak Frè Alexis lage yon mizik ki rele “Ou Sen” nan dat 11 oktòb 2024, ki felisite Bondye pou jan li sen ak gran.
Chante sa a envite nou pwoche pi pre Bondye epi reflechi sou pouvwa li. Li fèt pou ranfòse lafwa nou, pandan li kreye yon moman lapè ak adorasyon nan kè nou.
“Ou Sen” ankouraje nou viv ak konfyans ak rekonesans chak jou.
8. NOEL CHERISSON - "Plan Yo San Zefè”.
Noël Cherisson lanse nouvo videyo mizik li, “Plan Yo San Zefè,” ki soti nan dat 12 oktòb 2024.
Nan tèks sa a li ekri a, Cherisson eksplike ke atak, konplo, ak defi ki soti nan diferan sous pa ka afekte moun ki gen Bondye nan bò yo. Tèks la rezone ak lide ke nenpòt estrateji malveyan ki fèt pou detwi pa ka reyisi devan pwoteksyon divin.
Chante a sa vle fè tout moun ki fè fas ak defi konnen ke yo pa pou kont yo, e yo ka konte sou yon fòs siprèm ki toujou la pou sipòte yo.
9. ANDRE RICHECARDE - ”Sanble’W”
André Richecarde sòti ak nouvo videyo lirik li ki rele “Sanble W,” ki te pibliye nan dat 15 oktòb 2024. Chante sa a montre dezi pou devlope yon relasyon pi solid ak Bondye.
Nan “Sanble W,” Richecarde eksprime yon volonte klè pou vin pi sanble ak Bondye, chèche yon lanmou ki klere nan tout aksyon li yo. Chante a ankouraje tout moun pou reflechi sou fason pou entegre prensip Bondye nan lavi yo, enspire yo pou yo viv ak plis entansyon ak konviksyon.
10. JUNIOR NICKSON- “Prezans BonDye”
Junior Nickson lanse nouvo videyo mizik li, “PREZANS BONDYE,” ki te pibliye 15 oktòb 2024.
Chante a ap pale sou swaf pou prezans Bondye ak jan sa ka transforme lavi yon moun. Pawòl yo revele yon vwayaj espirityèl ki montre ke pa gen anyen ki ka anpeche yon moun apwoche Bondye, ni difikilte ni sitiyasyon difisil.
“PREZANS BONDYE” se yon chante ki ankouraje nou pou n chèche prezans Bondye nan chak moman nan lavi nou.
11. FRANTZ JOSEPH Feat ALCIDE DERSON - “BonDye Ou Fidèl”
Frantz Joseph ak Alcide Derson lage yon videyo ki titre “Bondye Ou Fidèl”, nan dat 17 oktòb 2024.
Mizik la montre kijan konfyans nan Bondye fè yon diferans lè tout efò pèsonèl pa bay rezilta. Li raple ke, menm lè lavi sanble bloke, fòs ak prezans Bondye rete kontinyèl pou bay direksyon ak espwa.
“Bondye Ou Fidèl” ankouraje w pou pa pèdi espwa, menm nan moman difisil, epi toujou sonje ke fidelite Bondye pa gen limit.
12. NESLIN DESTILHOMME- “Jezi Ooo”
Neslin Destilhomme prezante nouvo videyo mizik li, “Jezi Ooo,” ki pibliye 19 oktòb 2024. Chante sa a se yon temwayaj pwisan sou pouvwa ak gras Bondye, ak yon rekonesans pou mirak ki fèt nan lavi nou.
Nan “Jezi Ooo,” Neslin eksprime emosyon pwofon li ak yon dezi pou montre kijan Bondye chanje lavi li. Pawòl yo ilistre yon vwayaj soti nan desepsyon ak dezespwa rive nan espwa ak liberasyon.
Neslin raple tout moun ke yo pa pou kont yo, paske Bondye ap toujou la pou sipòte yo, menm nan moman ki pi difisil. “Jezi Ooo” se yon apèl pou tout moun rekonekte ak lafwa yo, sonje tout sa Bondye ka fè, e kenbe espwa nan kè yo.
13. CHANTAL SAINT-FORT - “Ou Se BonDye”
“Ou Se BonDye” yon videyo mizik de Chantal Saint-Fort, ki parèt 20 oktòb 2024, se yon mizik adorasyon ki pale sou fidelite Bondye ki montre jan li toujou prezan pou pwoteje, defann, epi soulaje fado nou, menm nan moman difisil.
Tekst la ranfòse lafwa epi envite nou adore Bondye, ki toujou reponn lè nou rele l. Avèk yon pwodiksyon mizikal ki pote siyati Spencer Brutus ak yon videyo dirije pa Roby Pierre, “Ou Se BonDye” raple ke lanmou Bondye ak favè li san limit epi toujou aksesib.
14. BEETHOVEN CHENET- “Ou Fidèl”
“Ou Fidel,” yon videyo mizik pa Beethoven Chenet, ki soti 20 oktòb 2024, pote yon mesaj fò sou fidelite Bondye ak pwisans pawòl li. Enspire nan Jenèz 18:12, mizik la raple nou ke menm lè bagay yo parèt enposib, Bondye toujou kenbe pwomès li. Nan mitan dout ak difikilte, fidèlite li pa janm anreta.
Konpozisyon ak tèks la se travay Beethoven Chenet, ak aranjman Pasteur David Pierre-Louis. Videyo a, pwodwi pa Koulè Kreyol Productions ak dirije pa Robert Nelson. “Ou Fidel” envite nou tout mete konfyans nan Bondye, sonje ke li pa janm bay manti, e kèlkeswa sikonstans yo, li ap fè sa li di.
15. RICHECARDE ANDRE- “Tout Bezwen M”
Richercarde Andre vini ak yon dezyèm mizik pou mwa a, ki rele “Tout Bezwen M,” li soti 22 oktòb 2024.
Chante sa a eksprime ke Jezi se tout sa yon moun bezwen nan lavi — doktè, avoka, zanmi, ak fanmi. Se yon mizik ki raple nou enpòtans konfyans nan Bondye pou jwenn tout sa k nesesè.
16. ALEXANDER POLYNICE - “Tout Est Possible”
Tout Est Possible se yon nouvo videyo mizik Alexander Polynice soti nan dat 25 oktòb 2024. Mizik sa a ofri yon mesaj pwisan sou lafwa ak espwa, ak yon asirans ke nenpòt obstak, kèlkeswa jan li ka parèt, ka simonte lè nou gen konfyans nan Bondye.
Nan melodi sa a, Polynice envite nou reflechi sou pouvwa ki nan lafwa, montre ke ak Bondye nan bò nou, tout bagay posib. Chante a adrese tout moun ki ap fè fas ak defi, ankouraje yo pou yo kwè nan kapasite Bondye ki ka chanje nenpòt sitiyasyon.
Ak yon rit ki angaje ak mesaj pozitif, Tout Est Possible vize renouvle lespri moun ak pote yo nan yon lòt nivo de konfyans ak espwa. Se yon mizik ki ka enspire ak ankouraje tout moun pou yo pa lage, men pito kontinye batay ak lafwa ki ka fè mirak.
Palmarès Mizik/Videyo Evanjelik se yon platfòm ki ranfòse angajman atis yo ak kominote a.
Avèk chak mizik ak videyo, nou soutni inisyativ ki pote enèji ak valè pozitif nan lavi ou.
Nou ankouraje w patisipe, pataje kreyasyon sa yo, epi sipòte travay atis yo ki fè efò pou pote mizik ki gen sans epi kontribye nan byennèt nanm ou. Ansanm, ann kontinye bati yon kominote ki apresye epi selebre sa ki esansyèl nan mizik evanjelik.
Redaksyon:
Vanauscheca Bouzy
Konsepsyon Grafik:
Jo-Flung Bouzy & Carlo Paurice
Comentarios