Nérilia Mondésir siyen ak Seattle Reign FC epi vini premye jwè fanm ayisyèn ki pral jwe nan Lig Nasyonal Foutbòl Femin nan peyi Etazini.

Seattle Reign FC anonse ofisyèlman siyati atakant ayisyèn Nérilia Mondésir, ki gen ti non jwèt "Nérigol". Nérilia ki gen 25 lane, siyen yon kontra ki makonnen l ak klèb la jiska sezon 2026.

Nérigol, ki vinn premye foutbolè fanm ki fèt an Ayiti ki pran evolye nan National Women's Soccer League (NWSL), ap rejwenn klèb tou nèf li a nan mwa dawout la. Pou kounya kapitèn seleksyon nasyon feminen Ayiti a ap tann sètifika transfè entènasyonal li.

Nérilia ap kite Montpellier HSC aprè sèt lane li pase, kote li jwe 123 match, make 20 gòl epi bay 16 pas desizif, Nérilia kite D1 Arkema pou rantre nan NWSL.

Seattle Reign, ansyen klèb lejand amerikèn Megan Rapinoe, ki te gen gwo pwoblèm nan atak sezon pase a, jwenn nan Nérilia yon avantaj enpòtan pou ranfòse yo an atak. Atakant 25 lane pral rantre ak ekip li an nan mwa Out kap vini la pou preparasyon avan sezon an.