Soti 16 dawout pou rive 19 dawout 2024 la, lapolis nan zile Turques ak Caïque te arete 217 migran ayisyen pandan plizyè tantativ debakman sou achipèl la. Operasyon sa yo, jan Miami Herald rapòte, lapolis te jwenn tou plis pase de (2) milyon mariwana.
Premye bato a te arete vandredi swa, kote yo te jwenn 15 migran ak mariwana ki vo 131,660 dola. Samdi 17 dawout la, yo te arete de(2) lòt bato ak 41 Ayisyen, pami yo te gen 3 timoun, ak mariwana ki vo 2,704,932 dola.
Nan dimanch 18 dawout la, lapolis te arete yon katriyèm (4) bato toupre West Caicos, ki te gen 144 migran sou li. Yo tout te remèt bay fòs fwontyè yo pou trete dosye yo epi voye yo tounen Ayiti. Finalman, yo rapòte yon senkyèm (5) debakman toupre Long Bay, ak 17 migran sou bato a.
Komisè lapolis nan zile Turks ak Caicos, Edvin Martin, te raple ke trafik mariwana ak moun se yon krim ki merite gwo sanksyon. Otorite lokal yo angaje yo pou yo pouswiv tout mwayen ki nesesè pou mennen responsab aktivite ki pa legal sa yo devan lajistis.
Comments