Aprè entèvansyon plizyè inite nan PNH mèkredi 1er me a Terminal Vareux rive chaje 247 kamyon sitèn gaz. Nan wikenn sa nou rive konstate plizyè ponp t ap bay gaz nan plizyè kote nan zòn metropolitèn nan.
Dapre enfòmasyon Terminal Vareux te bay, gen 29 kamyon ki chaje vandredi 3 a, 104 lòt samdi 4 me epi 114 dimanch 5 me a. 247 kamyon yo rive transpòte 714,900 galon dyezèl, 1 ,412,050 galon gazolin men pa yon sèl galon kerozèn pandan 3 jou.
Terminal Vare eksprime rekonesans li ak wo kòmandman Polis Nasyonal Dayiti, ansanm ak inite espesyalize CIMO, UDMO, SWAT ak Gad Kòt Ayisyen, kite pèmèt fasilite rekòmanse livrezon pwodwi petwòl yo.
Commentaires