Reyalizasyon album (albòm) se pi gwo defi atis, gwoup, koral an patikilye nan milye evanjelik la akoz konpleksite sa nesesite : lajan, enspirasyon, tan, konsantrasyon. Fè album nan se youn men rive asire zèf sila a fè enpak se yon lòt bagay. Se sa ki fè atis ak fòmasyon mizikal yo reflechi plizyè fwa avan yo deside travay sou yon gwo bout tonton pwojè konsa a. Malgre anpil fwa yon konn gen yon repètwa ki rich epi pafwa yo menm konn gen materyèl pou akouche pwodiksyon an. Mete sou tout difikilte sa yo depi kèk ane sitiyasyon estabilite politik, sosyal ak ekonomik peyi Dayiti pa an favè reyisit kreyasyon atizay nan nivo sila a. Poutan salmis, adoratè nou yo pran kouraj yo ak de (2) men pou pwodui dis (10) albòm nan yon kontèks ki ase konplike.
Nan palmarès sila a ekip Konekte M nan pral fè w viv travay kolosal 8 atis, yon fòmasyon mizik epi yon chantè ki vin pwodiktè (Roobens D'or) ki agrandi repètwa albòm evanjelik ayisyen an.
1- «La Confession de David»: Yon vwayaj atistik ak espirityèl.
Nan dat 21 janvye 2024, Amos César te make yon etap enpòtan nan karyè li avèk lansman albòm «la Confession de David», yon gwo reyalizasyon atistik ki gen yon narasyon pwisan, tire dirèkteman nan istwa biblik wa David ak Bath-Shéba. Avèk onz (11) mizik, albòm sa a pote yon melanj enpresyonan ant mizik ak komedi repoze sou yon travay ak emosyon onèt, pandan li reflete sou feblès imen, konsekans peche, ak pouvwa remò ak padon.
Albòm nan estriktire tankou yon chapit nan lavi yon wa, depi reyalizasyon glwa li rive nan peche ak repantans li. Chak mizik sou albòm nan sèvi kòm yon pyès nan yon narasyon ki rakonte istwa David, jan sa te dekri nan Labib. Pèsonaj yo entèprete istwa sa a avèk yon sansibilite ki fè mizik la rive pi lwen pase limit relijyon pou touche tout moun ki ka idantifye tèt li ak feblès ki lakay moun.
Albòm nan ouvè ak «Introduction», yon pyès powetik ki mete kontèks istwa a. «Longue vie au roi» entèprete pa Nehemie Bastien, glorifye David nan moman glwa li, mete aksan sou pouvwa ak siksè li kòm wa Izrayèl. Mizik «Hier encore» entèprete pa Edison Juste envite odyans lan nan refleksyon sou moman pase, anvan tonbe David la.
Chanjman dramatik nan narasyon an vinn ak «La convoitise de David», ki entèprete pa Amos César kote pote wa a lanvi sou Bath-Shéba. Mizik sa a chaje ak emosyon ak tansyon.
«La dernière cloche» ki entèprete pa Bertrand Cornely se yon mizik ki anvizaje moman kritik lè konsekans aksyon yo rive, tankou yon avètisman kont feblès imen. «Jérusalem pleure ton soldat» entèprete ankò pa Nehemie Bastien pote yon ton grav, rann omaj ak trajedi Urie, yon viktim san defans nan istwa sa a.
«Une autre encore» ki entèprete pa Francesca Aristil, Micaelle Charles ak Gardyn Mercier se yon mizik ki ajoute yon dimansyon plis pèsonèl sou batay moral David.
Nan «La sentence», ki entèprete pa Mickenson Gilbrun et Amos César, David ap fè fas ak reyalite konsekans peche li, pandan li rantre nan yon refleksyon pwofon ki chaje ak lapèn. Epi «La confession de David», fèmen albòm nan avèk remò, padon, ak lespwa renouvèlman entèprete pa Amos César.
Albòm «La Confession de David» pa jis rakonte yon istwa biblik; li montre emosyon ki toumante chak nan nou lè nou fè fas ak peche nou yo ak nesesite padon. Mizik tankou «Rien sans toi» entèprete pa Blousena S. Bigord ak Amos César
ak «Qui» entèprete pa Francesca Aristil,
Mickenson Gilbrun, Nehemie Bastien, Amos César ajoute yon dimansyon entim, kote chantè an eksprime koneksyon pèsonèl li ak BonDye ak bezwen li pou redemare lavi li.
Pawòl ak mizik yo se travay Amos César, yon talan ki kontinye enspire jenerasyon yo atravè kreyasyon li yo.
2- L ap konbat pou ou: Yon chokola pou amoure amourèz mizik evanjelik
Stanley Georges youn nan pi bon vokalis evanjelik ayisyen nan jenerasyon sa a te finalman soti premye albòm li aprè yon pakèt tan milye a t ap tann yon zèv konsa a.
Yon pwojè ki gen 13 mizik ki ofri nou plizyè tèks literè ki chaje ak pwofondè atistik ki jwenn resous nan pawòl BonDye. Stanley Georges anpil moun respekte kòm yon bon chantè pa sèlman deplwaye mas vokal li men li rive enpoze l kòm yon konpozitè ki merite plis atansyon.
Powèt la jwe ak plizyè figi estil pou adore BonDye ak ankouraje frè ak sè kretyen li yo atravè kout plim li.
N ap envite li atik sila a:
3- Sur la terre comme au ciel
Pwodiksyon sila te disponib 5 avril 2024 la sou plizyè platfòm telechajman mizik. Premye mizik ki entwodui albòm nan pote tit albòm nan menm «Sur la terre comme au ciel » se kòm yon priyè atis la fè pou envoke BonDye kontrèman ak lòt mòso yo atis la plis pale yon jan ritme ki sanble ak yon deklamasyon oubyen menm yon eslam. Innocent eksprime l sou yon mòso enstrimantal ki kreye yon atmosfè lapriyè.
Albòm sila chaje tèks ki eksprime lapriyè pèsonèl Innocent fè ak BonDye sou plizyè sijè ak aspè nan lavi l. Tankou: « Je te veux», ki envite BonDye pran tout plas nan lavi l, «Notre Père » ki li menm se adaptasyon lapriyè Jezi te montre disip yo nan Matye 6: 9-12 la.
Abimael Inoncent pa sèlman eksprime lapriyè pèsonèl li men li adore BonDye ak fè elòj pou Senyè a atravè plizyè kout plim nan lòt mòsò sou albòm sila kòm «Ressuscité» ki rann yon omaj ak Jezi ki soti vivan nan lanmò, «Incomparable » ki fè elòj pou sa BonDye fè.
Abimael Inoncent fini vwayaj mizikal sa ak «Vini jwenn Jezi» ki li menm se sèl tèks ki ekri an kreyòl ayisyen sou albòm nan epi ki makonnen ak mesaj sou «La grande commission de l'Eglise ». Mizik sa se yon apèl pou moun ki poko konn Jezi pou kouri vin eksperimante lanmou Jezi.
Plizyè tèks ki nan albòm sa re-adapte kèk sòm nan bib la tankou 121«Tu es avec moi»,150 «Hosana tu es digne». Anplis de sa otè a resite 2 sòm preske po pou po: 91 ak 150.
4- Aktive puisans ou
«Aktive puisans» se tit yon mizik a siksè Spencer Brutus ki te soti an 2018, se youn nan ra mizik evanjelik ayisyen ki chante nan vèsyon orijinal an kreyòl epi plizyè adoratè nan kominote evanjelik frankofòn nan sitou tradui l nan lang fransè a pou adore ak li tankou Simiane Music (Madanm pwofèt Tatu Joël). Konpozitè, aranjè, chantè, pwodiktè Spencer Brutus pou onere siksè sa a bay premye albòm li an pote non «Aktive puisans Ou».
1- Glwa Li pral eklate
2- BonDye ap travay
3- Pitit BonDye
4- Mwen reklame L
5- Mwen leve non W
6- Fò m temwanye
7- Pou ou sèl
8- Mwen disponib
9- Lakay Ou
10- Pou m pale
11- M pap negosye W
12- APK (Aplikasyon)
13- Revela tu poder
14- Aktive puisans Ou
15- Se BonDye k fè l
5- Banm fò ou vle: yon senkyèm albòm pou salmis Anite Pierre
«Banm fò m ou vle» se tit senkyèm albòm salmis Anite Pierre. Tit Albòm sila gen yon patikilyarite, se ra tit albòm ki pa gen yon mizik ki pote tit la. Sè Anite fè chwa sila a aprè l konstate plizyè kretyen malgre yo anndan legliz yo pa two danse kole ak egzijans BonDye yo. «Banm fòm Ou vle» pou salmis la se yon mesaj pou ankouraje sèvant ak sèvitè BonDye pou koube anba egzijans pawòl BonDye yo.
«Banm fòm Ou» se yon varyete plizyè jan ak tandans mizikal tankou: Regea, konpa, afro, salsa, rabòday elatriye.
- Adore w
- Glwa
- Aba maladi
- Rete fidel
- Tande priyè m
- Se pase n ap pase
- Vini Vini
- Istwa la vim
- Lavi m change
- Kle la vi m
6- «M ap Triyonfe» : Rolande Louis pote yon albòm mizik ki reflekte lafwa ak lespwa.
25 dawout 2024, chantèz konpozitris Rolande Louis lanse «M ap Triyonfe», yon albòm ki pote yon melanj amoni sou lafwa, esperans, ak devosyon. Disponib nan kle USB ak sou tout gwo platfòm mizik anliy, albòm sa a gen 14 mòso.
Albòm nan se yon selebrasyon rich, kote Rolande Louis itilize talan l kòm konpozitris, chantèz. Li kolabore ak mizisyen talan tankou Roubens Desilier, Peterson Jules, ak Nicky Christ, ki ajoute pwofondè ak divèsite nan travay la.
1. Manifeste Glwa W – Yon envitasyon pou viv nan prezans Bondye.
2. M ap Triyonfe – ki se tit albòm nan ki ankre lespwa ak viktwa.
3. I Will Praise You – Yon lapriyè chantan ki konfime gratitid ak devosyon.
4. Lonje Men Bay Timoun Yo (feat. Nicky Christ & Etienne Bern-Seth) – Yon apèl sansib pou èd sosyal ak espirityèl.
5. Évangélisation – Yon selebrasyon misyon predikasyon ak lafwa.
6. Reconnaissance – Yon chante ki envite nan rekonesans pou favè Bondye.
7. Mirak Pa m Nan Posib – Yon mesaj fò ki ranfòse lafwa nan posiblite ak mirak.
8. Face to Face – Yon refleksyon sou rankont pèsonèl ak BonDye.
9. Aprè Ou Se Ou – Yon dimansyon emosyonèl ki souliye fòtin nan priyorize BonDye nan lavi nou.
10. Gen Lontan N ap Lite (feat. Peterson Jules & Marionel Simon) – Yon chante ki klewonnen esperans nan mitan difikilte.
11. Tu Es Digne (feat. Bernadin Etienne) – Yon chan adorasyon ki selebre grandè BonDye.
12. BonDye Pap Bliye w – Yon chan ki pote rekonfò ak asirans nan lanmou Bondye.
13. Mwen Son Beni (feat. David Morinvil) – Yon pwklamasyon benediksyon ak lapè.
14. M ap Triyonfe (Remix Kreyòl) – Yon nouvo entèpretasyon an Kreyòl, tradui pa Dr. Herbert Julien.
Rolande Louis pibliye twa (3) videyo mizik ki bay yon vizyalizasyon pou kèk nan gwo mizik yo:
• M ap Triyonfe
• Aprè Ou Se Ou
• Manifeste Glwa’w•
Avèk «M ap Triyonfe», Rolande Louis montre kapasite l pou depase limit epi kontinye grandi nan lafwa ak atistik li. Albòm sa a se yon mesaj vivan ki ranfòse kwayans, malgre defi lavi yo, viktwa posib pou tout moun ki kenbe lafwa.
Nan chak tèks ak nan chak nòt, «M ap Triyonfe» se yon envitasyon pou triyonfe ansanm ak yon atis ki vle nou viv avèk konfyans ak kouraj. Albòm sa a se yon angajman pou pataje mesaj espirityèl ki kapab ranfòse nenpòt kè ki ouvè.
7- Rezo: yon dezyèm albòm pou Fondation Frè Luckson Zòn pa fè moun
Henfraza te akeyi dimanch 8 septanm 2024 espektak ak vant siyati dezyèm albòm timoun fondation Frè Luckson Zòn pa fè moun yo. Albòm sa a, ki pote tit “REZO” (Rêve des Enfants Zòn Pa fè Moun), ki plis pase yon pwojè mizikal men li se yon vwa pou timoun ak jèn defavorize ki jwenn sipò ak gidans gras a fondasyon Frè Luckson.
“REZO” reflete aspirasyon ak rèv anviwon 96 timoun ak adolesan fondasyon an, ki jwenn opòtinite pou bati yon pi bon avni. Kèk nan chantè yo, avèk Job, Delson ak Diamant kòm prensipal entèprèt, pote yon mesaj fò sou enpòtans entegrasyon sosyal pou jèn ki nan bezwen. Yo ofri tou rekonesans pou BonDye ak Frè Luckson pou inisyativ sa a, ki transfòme lavi yo nan jwenn sipò pou jwenn yon mòso ledikasyon.
Avèk 21 mizik sou albòm “REZO”, tout track yo anrejistre, metrize, epi melanje avèk swen pa Gabriel Alexis (Frè Alexis), pwodiktè prensipal la, pran swen chak detay, asire yon eksperyans mizikal ki enkli rap, temwayaj, ak chante adorasyon. Kolaborasyon avèk atis tankou Valeus Sisters, Jojo Mizik, ak Salomon Lira Salil ranfòse albòm nan ak divèsite mizikal ki rete fidèl a objektif sosyal li.
Lis mizik ki sou albòm nan:
1. Intro – Frè Luckson Zòn pa fè moun
2. Jesus For Life – Ti Paste & Ferlando
3. Sam Ta Bay – Job Zòn pa fè moun
4. Kriye – Job ft Jojo Mizik
5. Jezi Pa Responsab – Delson & Dyaman ft Frè Luckson
6. Mesi – Fritzline, Phara, Lovemika, Ti Paste
7. Retounen – Fritzline, Ketty ft Valeus Sisters
8. Pòm Te Gate (Temwayaj) – Lovemika
9. You Can Do It – Job ft Salomon Lira Salil
10. Tout Timoun Lari Se Dyaman – Dyaman
11. Lavi M Chanje – Jonayder
12. Andikap Pa Yon Defo – Job
13. Lèm Imajine – Jiji ft Micheley
14. Sak Ta Di Sa – Delson
15. Zye’l Toujou Sou Mwen – Fritzline
16. Li Konn Epwize – Job, Fritzline & Ketty
17. Off Course – Jiji
18. Lyon de Jida – Benbenn ft DJ Happy
19. Révélation – Ti Paste & Ferlando
20. Istwa Lavi M Chanje – Ketty
21. Download – Job & Delson ft Valeus Sisters
“REZO” se yon apèl klè pou entegrasyon timoun ak jèn ki nan sitiyasyon difisil nan sosyete a. Se yon pwojè ki montre ki jan mizik ka fè gwo chanjman lavi yon moun, pandan li enspire lòt moun pou yo pote sipò epi bay lanmou. «REZO» se yon vwa espwa ak yon eritaj ki pral kontinye enspire jenerasyon kap vini yo.
8- Last Act: Back to Basics, retounen nan sa ki esansyèl yo
«Last Act: Back to Basics» yon albòm ki gen 18 mizik ki soti nan dat 16 septanm 2024 la. «Last Act: Last Act: Back to Basics» tradui tranzisyon Roobens D'or ki pase plizyè ane ap chante pou vin konsakre tout tan l kòm pwodiktè kounya. Sou kote chanjman Roobens a se yon albòm ki vle pote yon son tou nèf nan mizik evanjelik aktyèl la kote plizyè pwodiksyon mizikal preske sanble tèt koupe.
«Last Act: Back to Basics» se tou yon testaman kote pwodiktè a ankouraje jenerasyon alèkile a pou retounen nan sa ki esansyèl yo. Pwojè 18 mizik sa a gen nèf lòt atis; jèn talan ak talan ki deja konfime nan milye a. Anmentan albòm nan makonnen ak plizyè estil mizikal ak sijè ki sitou vize yon ekselans.
- Joy
- Trete l byen
- Simen lanmou
- Mwen bezwen W
- Retour à l'essentiel
- Célébrons l'amour
- Laperèz
- Pwomès 2.0
- Nan bra w
- konba
- So good
- Jewova
- Mwen adore w
- Bon kretyen
- Sikatris
- We are loved
- Back 2 Basics
9- Victoire au non de Jésus : Wiliadel kontinye rekòlte viktwa aprè 8 lane ministè
Victoire au nom de Jésus, se tit premye albòm Wiliade Denervil aprè 8 lane karyè plen siksè nan milye evanjelik la. Yon albòm atis la konsidere kòm yon viktwa ki pa sèlman pou karyè l ak ministèl men pou tout lavi li an jeneral. Albòm sila soti atravè yon konkennchenn espektak ki te reyini plizyè milye moun nan «Palais Municipal Delmas» nan dat 13 oktòb, yon evenman k ap rete grave nan anal milye evanjelik la antèm kalite espektak la epi kantite moun li te rasanble.
«Victoire au nom de Jésus» gen 10 mizik ki chaje pwofondè nan literati, melodi san bliye nivo vokal Wiliade Denervil ki charye anpil emosyon epi pote yon lòt koulè ak moun k ap tande. Pwojè sila a gen yon varyete mizikal si sitou domine ak yon koulè worship epi gospel akonpanye ak drill (Istwa pou rakonte), konpa (BonDye pa bliye w), Praise break (l'Éternel est mon Berger). Wiliade Denervil fè pati yon minorite zuit atis evanjelik ayisyen ki chante Praise break la.
Anplis de varyete mizikal «Victoire au nom de Jésus», pwojè sila espesyal nan kalite plim li, plizyè sijè abòde nan albòm nan men ki rete nan liy viktwa a kit se Leve mwen, Wont ou yo. Literati «Victoire au nom de Jésus » voye yon mesaj pou fòtifye lafwa moun BonDye k ap tande epi anmentan se yon albòm tou ki prezante Jezi bay moun ki poko konnen L kòm Sovè ak Mèt, «Vini» se pi bon egzanp pou montre sa a.
1- Intro
2- Vini
3- Leve mwen
4- Wont ou yo
5- Connais-tu mon Père
6- Je Te loue donc je suis
7- BonDye pa bliye w
8- l'Éternel est mon Berger
9- Ajenou
10- Que ton règne vienne
10- «Temwanyaj»
Se dènye albòm ki soti pou ane 2024 la epi se pwojè atis Dieuseul Pamphile. «Temwanyaj» charye ak yon divèsite nan sijè ak nan estil mizikal tankou konpa, twoubadou, Regea (wege), rabòday.
Atis Pamphile mete anpil aksan sou mesaj lavi etènèl la plizyè mizik tankou : Jistis, Fen tan an, Nou pap neglije sali, ankouraje kretyen yo pou mennen yon lavi ki dwat devan BonDye yon fason pou yo toujou prè pou son twonpèt la.
Salmis la tou eksprime atachman l ak peyi l «Ayiti pap peri», ki se yon kri sitwayen. Pamphile ki rete kwè yon demen miyò posib pou Ayiti.
- Ale
- Ayiti pap peri
- Fen tan
- Jistis nou
- Kelkeswa jan sa ye
- Nou pap negosye sali a
- Rezon k fè m ap chante
- Mechan yo
- A Toi l'honneur
- Non w se Yahweh
- Ou se Kris la
- Pa gen tan ankò
Konekte M voye yon gwo kout chapo bay diferan atis, pwodiktè ki bay tan yo pou ofri nou mizik ki pou beni nanm nou, ankouraje nou, fòtifye nou nan lafwa a. Malgre kontèks la pa apwopriye yo fè gwo jefò, pran gwo risk pou n jwenn zèv ki pou alimante nanm nou. Plis pase 121 mizik pou 10 albòm se yon pwodiksyon ki merite anpil apresiyasyon.
Konekte M ankouraje chak kretyen pou al konsome mizik yo, al achte yo sou diferan platfòm streaming (striming) yo pou ankouraje atis, salmis, gwoup, koral, pwodiktè nou pwodui plis zèv ki chaje kalite pou beni nanm nou, pou preche Levanjil ak leve flanbo Wayòm BonDye a pi wo.
Redaksyon:
Jonathan Dorziaire & Vanauscheca Bouzy
Konsepsyon Grafik:
Jo-Flung Bouzy & Carlo Paurice
Commentaires