Nan entèval 24 è, Izrayèl frape anviwon 300 sib Hezbollah nan peyi Liban.

Lame Izrayèl la anonse nan yon entèval 24 è, yo atake anviwon 300 sit gwoup teworis Hezbollah nan peyi Liban, yon seri frap ki lakòz 14 moun pèdi lavi yo, pami yo 4 sekouris ki nan Hezbollah. Pami sit Hezbollah ki tonbe anba woulo konpresè lame juif la, gen yon sit ki pa two lwen lopital Hariri, pi gwo enfrastrikti sanitè piblik nan peyi Liban. Ministè Sante Libanè konfime gen 4 moun mouri ak 24 moun ki blese nan atak ki pa two lwen ak lopital, yon lòt gen 6 moun ki mouri pami yo yon timoun plis 4 sekouris nan vil Baalbeck.