Jou k ap Mèkredi 13 novanm 2024 la, yon nouvo mizik konpa ki pote non "Safe" ap gen pou sòti, rezilta yon kolaborasyon ant pwodiktè haïtien Michaël Brun, chantèz Rutshelle Guillaume, ak mizisyen ameriken John Legend. Pwojè sa a pwomèt pou l pote yon nouvote nan mizik konpa a, kote yo melanje sonorite ayisyen ak enfliyans entènasyonal, sa ki pral bali yon patikilarite espesyal bò kote konsomatè mizik ayisyen yo.
Kolaborasyon sa a, ki rasanble twa atis ki gen gwo enpak sa yo, atire anpil atansyon. Michaël Brun, ki konn fè melanj mizikal inovatè, ansanm ak Rutshelle Guillaume, youn nan pi gwo atis fanm an Ayiti, ap travay ak John Legend, yon atis ki renome nan mizik soul ak pop. Sa se yon gwo etap pou fè mizik ayisyèn nan jwenn plis ekout sou sèn entènasyonal la.
Fanatik yo ap tann avèk anpil pasyans pou dekouvri zèv sila a. "Safe" gen tout potansyèl pou l tounen yon siksè mondyal ki montre fòs kilti ayisyen nan mizik.
Comments