Ministè Edikasyon Nasyonal ak Fòmasyon Pwofesyonèl (MENFP) lanse yon apèl pou rekritman anseyan pou kou yo kote elèv yo ka rive jwenn konpetans ki manke yo pandan egzèsis eskolè 2023-2024.
Inisyativ sa a vize pou konble twou vid absans elèv yo nan klas, akòz vyolans nèg gang ame yo, sitou nan rejyon metwopolitèn Pòtoprens ak nan kèk distri eskolè nan depatman Latibonit.
Anplis kou nan sal klas la, MENFP mete aksan sou yon apwòch miltimedya, ki gen ladan kapsil videyo, emisyon radyo ak televizyon, ansanm ak platfòm dijital li yo ak lòt platfòm lòt patenè.
Pwofesè ki enterese yo ka enskri sou entènèt soti nan dat 13 me pou rive 19 me 2024, sèlman atravè direksyon lekòl ki anrejistre sou platfòm ministè a. Ministè bay pwofesè ki gen eksperyans nan ansèyman konpansatwa priyorite e se sèlman lekò ki anrejistre sou platfòm MENFP la ki ka fè enskripsyon pou pwofesè yo.
Comments