Òganizasyon san fwontyè eksprime endiyasyon li apre lapolis te kanpe yon anbilans li pandan li t ap transpòte yon pasyan ki te nan yon eta grav, Madi 3 septanm 2024 la, nan Pòtoprens. Selon MSF, lapolis te bloke pasyan an, ki te bezwen swen dijans pou yon zo kase, epi anpeche ekip medikal la bay li asistans ki nesesè.
Sophie Mealier, chèf misyon MSF an Ayiti, kondane entèvansyon polisye sa a: “Nou denonse avèk tout fòs nou entèferans grav sa a nan misyon medikal nou an. Kòm yon òganizasyon ki angaje pou bay swen gratis pou popilasyon Ayisyen an san diskriminasyon, nou lanse yon apèl bay tout fòs ame nan peyi a pou yo respekte ekip medikal nou yo epi garanti pasyan yo aksè rapid ak san danje pou yo jwenn swen.”
MSF fè konnen blokaj sa yo mete lavi moun an danje epi yo pa akseptab.
Comments