Mario Andrésol Enstale kòm Sekretè Deta Sekirite Piblik la.

Jodi 14 Fevriye a, yon seremoni ofisyèl te fèt pou enstale Mario Andrésol, ansyen direktè jeneral Polis Nasyonal d Ayiti (PNH), kòm Sekretè Deta Sekirite Piblik.

Nouvo responsab sila pran angajman pou ranfòse estrateji sekirite yo nan yon moman kote Ayiti ap fè fas ak gwo defi sekirite piblik. Andrésol, ki gen yon eksperyans enpòtan nan domèn sekirite a, pwomèt travay kole kole ak lòt enstitisyon pou amelyore kondisyon lavi popilasyon an.

Seremoni an te atire prezans anpil aktè nan sekirite ak reprezantan gouvènman an, ki swete yon bon jan kolaborasyon pou reponn kriz sekirite k ap sakaje peyi a.