Marie Rebecca Guillaume Eli Kòm Reprezantan Sektè Fanm nan KEP.

Nan yon eleksyon ki te fèt lendi 26 dawout 2024 la. Guillaume te ranpòte eleksyon an ak senk (5) vòt, depase rival li Ericarme Joassaint ki te jwenn kat (4) vòt.

Òganizasyon feminis yo, tankou Kay Fanm, Solidarité des Femmes Haïtiennes (SOFA), Kri Fanm Ayiti (KRIFA), Fondasyon TOYA, ak Federasyon Òganizasyon Fanm pou Egalite Dwa Moun (FEDOFEDH), te anonse ofisyèlman viktwa Guillaume nan pandan yon konferans pou laprès mèkredi 28 dawout 2024 la. Komite elektoral la te deja voye non li bay Konsèy Prezidansyèl la pou konfime pozisyon li kòm nouvo reprezantan fanm nan konsèy elektoral pwovizwa (KEP).

Eleksyon sa a make yon etap enpòtan nan reprezantasyon fanm yo nan pwosesis elektoral la, ki montre angajman yo pou patisipe aktivman nan zafè piblik peyi a.