Marco Rubio prete sèman kòm nouvo Sekretè Deta Ameriken.

Madi 21 janvye 2025, Marco Rubio, ansyen Senatè Florid la, prete sèman kòm nouvo Sekretè Deta Ameriken, nan yon seremoni ki te fèt nan Kongrè a. Sèman an te fèt an prezans Vis-prezidan J.D. Vance, yon jou apre Prezidan Donald Trump fin chwazi li, epi Sena a konfime nominasyon an.

Nan seyans odisyon li devan komisyon senatoryal pou relasyon etranjè semèn pase, Marco Rubio, kounye a chèf diplomasi ameriken, te fè yon deklarasyon enpòtan sou sitiyasyon Ayiti a. Dapre li, administrasyon Trump lan pa gen plan pou fè entèvansyon dirèk nan peyi a, men yo pral sipòte misyon miltinasyonal ki deja an plas. « Nan dosye Ayiti a, mwen pa panse gen yon moun ki gen yon plan pou rezoud pwoblèm nan fasil konsa », Rubio te eksplike pandan odisyon an, dapre CNN ak Miami Herald.

Depi kounye a, Marco Rubio gen responsabilite pou dirije relasyon diplomatik Etazini yo, pandan y ap fè fas ak dosye difisil tankou Ayiti.