Manifestasyon kont ensekirite : plizyè katye nan zòn metwopolitèn Pòtoprens lan leve sou tansyon maten lendi 19 dawout la.

Plizyè moun nan katye popilè Solino leve kanpe pou egzije fòs piblik peyi a pou kwape fenomèn ensekirite ki blayi depi 2 lane nan katye sila a. Yon leve kanpe ki kreye yon sitiyasyon panik ak tansyon nan plizyè katye nan Pòtoprens ak Delma.

Kawotchou k ap boule, eslogan piman bouk kont plizyè medya ki t ap kouvri Manifestasyon an, barikad nan kèk wout se konsa plizyè zòn leve pandan yon bon pati nan matine jodi lendi a.

N ap raple Solino gen plizyè jou depi zam pa sispann chante. Plizyè moun deja pèdi lavi yo san konte kantite kay ki boule.