Aprè pwokirè jeneral Kou Penal Entènasyonal la vin mande manda darè kont dirijan Izrayèl yo ak Amas yo. Plizyè moun reyaji sou demand pwokirè a pami yo prezidan ameriken an Joseph Joe Biden ak premye minis Izrayèlyen Benjamin Netanyahu. Tout de kalifye demand Kahn de eskandal.
Kòm premye minis Izrayèl, m voye jete byen lwen konparezon pwokirè CPI a fè ant Izrayèl demokratik ak zak asasina an gwoup Amas yo. Pa gen okenn presyon ni okenn desizyon kèlkeswa foròm Entènasyonal ki bay yon repons ak sila ki vle detui nou" se deklarasyon chèf gouvèman Izrayèl la Benjamin Netanyahu.
49è prezidan ameriken an nan deklarasyon pa l renouvle angajman peyi etwale a pou kanpe nan kan pèp juif yo. Prezidan Biden kwè desizyon sa se yon eskandal.
Sekretè Deta ameriken an Antony Blinken bò kote pa l kwè demand Karim Khan nan ka anpeche chita pale pou rive jwenn yon retrè nan gè a.
Yon lòt kote dirijan Amas yo kondane ak tout fòs yo demand kou Penal Entènasyonal la. Pou yo menm se yon tantativ pou fè viktim yo pase pou bouro. Demand manda darè sa yo kont dirijan Amas yo se yon siy ki montre aklè yo krache sou rezistans pèp palestinyen an.
Commentaires