Bonè nan maten mèkredi 12 jen 2024 la,
Jounen an kòmanse ak yon move nouvèl ki choke tout mond lan espesyalman kominote kretyèn nan: Maman Blanche Odia Kandolo Tunasi, madan Pastè Marcello Tunasi mouri.
Se Eglise La compassion, ministè kote Pastè Marcello ap dirije a ki konfime nouvèl la nan yon nòt ke administrasyon lEgliz la siyen.
Kèk medya tankou trace Gospel presize ke maman Blanche mouri akoz yon kriz kadyak (avc).
Nan jenerasyon sa a, anpil moun rekonèt Pastè Marcello Jérémie TUNASI atravè mesaj li yo ki tanto pale sou Lanmou, Sentete, Pisans ak ekilib.
Fondatè kominote CREFM (Sant pou Evanjelizasyon, Fòmasyon ak Misyon).
Pastè Marcello te vizite Ayiti an 2019 nan kad yon gwo kanpay evanjelizasyon ki te pote non Sware de glwa (Soirée de gloire) kote li te ale nan Pòtoprens ak Gonayiv pou preche levanjil.
Anplis wòl pastoral li, Marcello Tunasi se tou otè-konpozitè anpil kantik espirityèl, direktè plizyè pyès teyat ak otè plizyè liv.
Zanmi Pastè Grégory TOUSSAINT nan ministè Shekinah, Pastè TUNASI regilyèman reponn a envitasyon li nan divès inisyativ espirityèl li yo.
Li se youn nan oratè prensipal yo tou nan pwochen edisyon "Konferans Supernatural" ki pwograme pou 5 pou rive 14 jiyè 2024 nan Miami. Pa mwens pase twa sesyon entèvansyon yo te akòde l ', dènye nan yo ki te nan jou a menm nan fèmen nan gwo evènman anyèl sa a.
Plizyè pèsonalite ak medya tankou:
Chèn televizyon EMCI TV, radyo televizyon Shekina, Prophète Joel Francis Tatu, Pasteur Gregory Toussaint, chantè gospel Dena Mwana
ak Pastè Delly Benson, deja voye senpati yo bay Pastè Marcello atravè rezo sosyal yo.
Ekip konekte m nan voye mo senpati li bay ministè La compassion, tout zanmi, fanmi espesyalman Pastè Marcello Jérémie TUNASI ak pitit li yo; Oracle, Shukrani et Shiphra ki nan dèy.
Comments