Lionel Lazarre : nome, enstale ak revoke, pa menm pase 24 è tan kòm pòtpawòl an aprè PNH la.

Aprè ansyen kòdonatè SYNAPOHA, Lionel Lazarre te fin demisyon nan pòs li nan tèt sendika polis la, te jwenn nominasyon pou okipe fonksyon pòtpawòl an aprè PNH la. Mwens pase 24 è tan enstalasyon l ki te fèt ayè jedi 18 jiyè a jwenn revokasyon l jodi a 19 jiyè.

Yo repwoche sendikalis la kòmkwa ta gen dwèt li tranpe nan koripsyon nan kad preparasyon ak livrezon paspò nan komisarya Delma 33 nan sa ki konsène pwogram Biden nan. Plizyè òganizasyon k ap defann dwa moun te pote dosye sila devan wo kòmandman PNH la.

Yon akizasyon Mesye Lazarre voye jete byen lwen. Epi akize òganizasyon defansè dwa moun yo k ap manniganse pou sal imaj li.