Leta Ayisyen ap chèche ekspètiz Peyi Perou pou òganize eleksyon.

Yon delegasyon ayisyen, anba direksyon  Konseye Prezidan Frinel Joseph, te rankontre, madi 11 mas 2025 lan, ak Office National des Processus Électoraux (ONPE), nan Perou pou chèche bon pratik elektoral epi eksplore yon koperasyon teknik.

Konsèy Prezidansyèl Tranzisyon an vle enspire l nan eksperyans Perou pou òganize referandòm konstitisyonèl, ak eleksyon jeneral yo. Pandan kriz politik la toujou mete eleksyon an Ayiti nan difikilte, otorite yo espere sipò entènasyonal yo ap rive ede nan ranfòsman krediblite pwosesis la.